Передачи радиовещания на хакасском языке

Хакас радиозы Хакас чирiнде 1932 чылда тостелген. Ол чылда  радио орыс паза хакас тiлiнен тинни чоохтан сыххан.

Чаа тузында радио чонга улуг полызыг иткен: ин пастагы хабарларны радио пастыра искiрерге ондай полган.

Сагамгы даа туста радио СМИ-лер аразында ин чапчан тогынчатхан тирiг полча. 

Уламох 2017 чылда ,республиканын радиозы цифровой ондайча тогын сыхханда, хакас тiлiнен радионы полган на аалда исчен ондай пар пол парды.

Радиоприемниктерче, телевизорларча(приставкалыг) республиканын радиозын хоза пу салгахтарда тударга чарир:

 Абаза-103,3 МГ-ц-те, Сарыг Хас-73,61    
 Агбан-91 Саяногорск-102,7    
Асхыс-72,59 Сорск-73,19    
Пии-73,61 Таштып-71,00    
Боград-72,50 Нымырттыг-73,01  
Копьево-68,00 Шира-70,16 МГ-ц-те

Хакас радиозында 85 чыл аразына илееде кiзi тогын салган. Хакас радиозында ин пастагыдан тогынганнарнын пiрсi Анна Кирилловна Килижекова полча. Соонан Елена Киштеева,Елена Петровна Килижекова,Евдоким Николаевич Шоев,Семен Спирин тогынганнар. Оларнын тогыс тустары чаага килiс парган. Хай-пiреезi чаадан айланмааннар.

Пастагы дикторларнын пiрсi Анна Султановна Тугарина полган. Ол 1940-47 чыллларда тогынган.  Соонан дикторга Георгий Николаевич Коков килген. Анан анын оолгы Анатолий Коков диктор полыбысхан. Олох тустарда улуг марыгны иртiп, дикторга Ирина Алексеевна Шоева килген. 

Пуох тустарда ,хабарчылар полып, Лариса Иннокентьевна Асочакова, Зинаида Демьяновна Мамочакова, Игорь Федорович Боргояков, Герман Гаврилович Танбаев, Михаил Тимофеевич Маганаков, Адрей Андреевич Кызычаков, Гавриил Герасимович Абдин, Галина Николаевна Литвиненко-Бурнакова тогынганнар. Устагчылар Гавриил Гаврилович Котожеков, Евдокия Михайловна Кильчичакова, соонан  Галина Серафимовна Угдыжекова полганнар. Ун операторы полып Елизавета Афанансьевна Щетинина, соонан Галина Ивановна Кобякова тоогынганнар.

 Сагамгы туста хакас радиозында 7 кiзi iстенче. Звукорежиссер Михаил Топоев полча.

Оон редактор -Светлана Чанкова,хабарчылар: Инна Тодинова, Алевтина Букванова, Надежда Кулевцова, Ирина Толмашова паза ког саринен хабарчы Владимир Доржу.